Ospakizunari hasiera emateko kontzertua eskainiko du gaur gauean, 22:30ean, Bide Ertzean taldeak. Kontzertua Herriko Plazan izango da eta sarrera hiru euro da.
Domekan antzerkia
Zapatuan egun osoko jaian murgildu eta gero, ospakizunak amaitzeko antzerkia egongo da domekan ikusgai.
Horretarako hitzordua plazan jarri dute antolatzaileek, 19:00etarako.
Morritson eta Gartzia: Kultoko antzezlana izenburupean, helduei zuzendutako umorezko antzelana da. Besteak beste, VI. Cafe Bilbao antzerki gidoien saria jaso zuen antzezlanak (2008). Aktoreak Jon Urraza eta Jon Zubiaga izango dira eta 60 minutu iraungo du.
Luis Ezeizan gaur
Euskararen Eguna ospatuko dute Luis Ezeiza Herri Ikastetxean egubakoitzean. 15:00etan Euskal Dantzak eta kantak egingo dituzte eskolako ikasle, irakasle eta gurasoek eta 16:00etan gaztain erreak egongo dira bertaratzen direnentzako. Eguraldi ona egiten badu, ekintzak herriko plazan egingo dira; eguraldi txarrarekin ekintzak pilotalekuan egingo dira.