Udalbatzak egindako azken osoko bilkuran, San Pedro auzoko 1. zenbakitik 9ra arteko proiektuan aurreikusitako obrak esleitzeko baldintzen agiria onartu zuen aho batez. Horretarako aurrekontua 299.932,48 euro da, eta obrak egiteko epea bost hilabete izango da
Esleipena egiteko prozesuan, besteak beste, herrian lana sustatzea baloratzea adostu zuten udal ordezkariek; horren harira, kontratatutako eskoriatzar bakoitzeko hiru puntu emango dituzte, eta gehienez hamar puntu jaso ahal izango dira.
Batzar berean, ohiko osoko bilkurak egiteko eguna aldatzea onartu zuten udalbatzako kideek aho batez. Orain arte eguaztenetan egin badira ere, hemendik aurrera eguenetan izatea erabaki zuten. Ordua ez da aldatuko; 18:30ean hasiko dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.