Komunikazioa errazte aldera lan taldeka banatuko direla esan zuen, eta bi modutako lana antolatu dutela: arlokakoa azaroa hasieran egingo da, bilerak sektorialen bidez. Azaroaren 2an izango da lehena. Gizarte Ongizateaz jardungo dute 16:30ean; 3an, Pertsonalez 14:00etan eta Kulturaz 18:00etan; 4an, Parte-hartze eta Komunikazioaz 19:00etan; azaroaren 8an, Turismoaz eta Ingurumenaz 18:00etan; eta 9an, Hirigintzaz 19:00an. Batzar guztiak kultura etxean dira, Turismoa eta Ingurumenarena izan ezik; museoan da hori.
'World Cafe' metodologia
Horretaz gainera, azaroaren 12an, World Cafe metodologian oinarritutako ekitaldia izango da, 10:00etatik 13:00etara, herriko kiroldegian. Horren harira, etxetik kafe-katilua joateko deialdia egin zuten prentsaurrekoan parte hartu zutenek.
Hercek azaldu zuen prozesu horren helburua dela datorren urterako ekintza plana eta aurrekontua parte-hartzailea uztartzea. Bestalde, gogorarazi du parte hartzeko asmoa dutenek aurretik eman behar dutela izena 943 71 46 88 (kultura etxea) zenbakian edo komunikazioa@eskoriatza.net helbidean.