Lehenengo zatia 1-1 amaitu zuten nahiz eta Eskoriatzak gehiago jokatu. Bigarren zatian, baina kanpotarren golak etorri ziren: "Baloia izan bai, baina ez genekien baloiarekin zer egin. Laugarren postuan dagoen taldea da, eta aurrean amaituko dute, ikusgarri jokatu barik oso garbi dituztelako ideiak".
Kategoriari eutsi, oraingoz
Ligan hiru jardunaldi jokatuta goiz da oraindik hasierako balorazioak ateratzeko. Orain arte garaipen bat eskuratuta, Nevadok argi dauka Euskadiko Txapelketan jarraitzea izango dela helburu nagusia: "Talde polita dugu, hamar jokalari eta bi atezain. Oraingoz, mailari eusteko egingo dugu lan".