Dagoeneko zabalik dago argazkiak aurkezteko epea; urriaren 31an itxiko da. Azaroaren 1etik 20ra, Internet bidez bozkatu ahal izango dira irudiak; jarraian, epaimahaiak hilabete du, azken egun horretatik kontatzen hasita, epaia emateko. Zazpi kidek osatuko dute hori: Kultura batzordeko bi kidek, merkatarien ordezkari bik eta Arte Ederretako profesional bik. Posta elektronikoz jasotako botoen emaitza beste epaimahaikide baten boto modura kontatuko da.
Bi sari mota daude: 50 euroko sari bana boto gehien jasotzen dituzten bost irudiendako, eta 50 euroko saria bozketan parte hartu dutenen artean egingo den zozketako irabazleendako.
Lehiaketan parte hartzeko baldintzak Asteleheneko paperean aurkituko dituzue.