Eskoriatzako presidente zenak lagun handiak zituen Donostia aldean, eta hain zuzen, eskoriatzarrek Donostiatik jaso zuten Manuel Muñozen omenez aurre-denboraldiko partidu hau jokatzeko proposamena. Kantxan liga aurreko partidu ohi bat ikusi zuten zaleek: errito falta, fisikoki oraindik behar moduan landu gabe eta tarteka saskibaloi ona.
Harmailetan, berriz, giro oso ona. Eskoriatzakoek egun berezietan egin ohi moduan harmaila guztiak atera zituzten, eta kiroldegia erabat bete ez baze ere, sarrera oso ona izan zen: "Ez dugu zenbatekoa zorrotz eraman, baina, 300-400 sarrera inguru saldu ditugu", zioen Javi Corvalek.
Ikuskizuna ez zen, baina, partiduarekin amaitu, ondoren gaztetxoenek jokalariekin nahi beste erretratu atera ahal izan zituztelako –Eskoriatzako taldeko neskek ondo aprobetxatu zuten aukera.