Eskoriatza Kirol Elkarteak antolatuta, luxuzko lagunarteko norgehiagoka jokatuko da eguaztenean, Eskoriatzako Manuel Muñoz kiroldegian. Hain justu ere, Lagun Aro Gipuzkoa Basket eta Blancos de Rueda Valladolid taldeak lehiatuko dira, 19:30ean.
Kirol elkarteko bazkideak direnek debalde ikusi ahal izango dute partidua; bazkide ez direnen artean, ostera, prezio bi jarri dituzte: 16 urtetik gorakoendako sarrerak 5 euro balioko du, eta 10 eta 16 urte bitarteko neska-mutikoek 2 euro ordaindu beharko dituzte.
Eskoriatza kirol elkartetik jakinarazi dutenez, egun berean, 17:00etatik 19:30era bitartean, umeendako puzgarriak izango dira kiroldegi aurrean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
