Aurten ere euskaraz ez dakitenendako euskalduntze maila guztiak eskainiko dituzte han, eta baita euskaldunendako alfabetatze eta EGA mailak ere. Gainera ikastaro bereziak ere egin ohi dira euskalkiari buruzkoak, administrazioko hizkuntza eskakizunak lortzeko, dendari nahiz gurasoentzako edo baita etorkinentzako ere. Ohiko ikastaro horiez gain, on-line ikastaroa ere eskaintzen da.
Langabetu eta ikasleek, erdia
Euskaltegitik azaldu dute langabetuek eta ikasleek erdia ordainduko dutela, eta bekatze sistema ere eskainiko dela. Beka kobratzeko honako baldintzak bete beharko dituzte ikasleek: Eskoriatzako erroldan egotea, %90eko asistentzia izatea eta kurtsoa amaitzea eta kurtso bukaeran egiten diren frogetan parte hartzea. Ordaindutakoaren %60ra arte itzuliko da.