avi Corbalek azaldu digu lehenik eta behin, amaitu berri den 2010/2011 denboraldiko kirol balantzea egingo dutela. Elkarteak dituen sailen ordezkariek egingo dute bakoitzaren gaineko laburpen motza. Horretaz gainera, urtea zelan joan den, eta datorren denboraldiaren aurreikuspenaz ere jardungo dutela jakinarazi du Corbalek.
Azken horren harira, presidenteak azaldu du aurten Arabako ligan, mailaz jaitsi den areto-futbolaren taldea ostera ere igotzen saiatuko direla. Ekainaren 11n, gauez egindako Gabez Takarraran izeneko mendi lasterketaz hitz egiteko asmoa ere badute. Corbalek nabarmendu du ekimen hori antolatzea neketsua izan bazen ere, espero duela horri jarraipena ematea.
70.000 euro
Arlo ekonomikoaz ere egingo dute berba. Corbalek aurreratu digu datorren denboraldiari begira, denera, 70.000 euro inguruko aurrekontua izango duela elkarteak.
Bestalde, Manolo Muñozen heriotza dela-eta, elkartearen berrantolaketarekin ere aurrera dihardute; asteon, estatutu berriak aurkeztu dituzte Jaurlaritzan. Jakina denez, Javi Corbal hartu du presidente kargua eta Jose Gomez, presidente ordearena.