Uztailaren 4an hasi eta hil bereko 22an bukatuko dira udalekuak. 1999 eta 2007. urte bitartean jaiotako haurrei zuzenduta daude, eta ordutegia honakoa izango da: goizean, 10:00etatik 13:00etara; eta arratsaldean, 15:00etatik 17:00etara. Aurten kultura aniztasuna jorratuko dute egiten dituzten ekintzetan; gaia aukeratzerakoan, gainerako tokietan bezala, Eskoriatzan ere gero eta etorkinen gehiago daudela islatu nahi izan dute antolatzaileek.
San Fermin eta irteerak
Ekintzei dagokienez, denetarik egongo dela azaldu digute: askotariko jokoak izateaz gain, urteroko irteerak ere egingo dituzte, hala nola Gamarrara, Degurixara eta Gopegira.
Horrez gain, azken urteotako ohiturari jarraituz, uztailaren 7an San Fermin ospatuko dute, entzierro batekin. Uztailaren 22an azken jaialdia izango da.