Beñat Herce alkateak jakinarazi digu udal programarekin "koherenteak" izateko asmoz sortu dutela hori. Honakoa esan digu: "Alde batetik, jasangarritasunean oinarritutako garapen ekonomiko, sozial eta ekologikoko gaiak landuko dira horretan, eta bestalde, gai klabeetako bat: parte-hartzea eta gardentasuna, komunikazio eraginkorraz lagunduta jorratuko direnak". Esan bezala, ingurumen, ekonomia eta enplegu, turismo, parte-hartze eta komunikazioaz jardungo da horretan, eta Leire Urtzelai da horren buru.
Alkateak hiru batzorde
Bestalde, alkatea hiru batzorderen arduraduna izango da: Kontu eta Ogasuna, Pertsonala eta Gobernua eta Hirigintza. Azken batzorde horren eskumenak hirigintza, obra eta zerbitzuak eta elizateak-azpiegiturak izango dira. Horretaz gainera, Arantxa Iregi Gizarte Ongizate batzordeaz arduratuko da; gizarte ongizateaz gain, prebentzio, aukera berdintasun eta osasunarekin lotutako gaiak jorratuko dituzte horretan. Azkenik, Kultura batzordea dago, Jose Angel Petralandak zuzenduko duena. Kultura, euskara, gazteria, jaiak, hezkuntza eta kirolak izango dira horren eskumenak.