Hain justu, Oñatiko Etxe-Aundi eta Goiko Benta; Bergarako Lasa eta Zumelaga; Leintz Gatzagako Soran; eta Arrasateko Hilarion, Santa Ana eta Hamalau. Azken hori lehen aldiz hartuko du parte.
Goizeko agerraldian, Debagoieneko Mankomunitateko Turismo teknikari Ana Herizek azaldu du jatetxe horietara doazen berezeroei inkesta bat bete dezaten eskatuko zaiela, eta horien artean, bi lagunendako afaria zozketatuko dutela.
Menu bereziak dastatzeaz gain, bertako produktuen jatorria ezagutzeko aukera egongo da, Antzuolako Lapatza, Bergarako Boluberri, Arantzazuko Gomiztegi eta Leintz Gatzagako gatz museoa eta Jakionera egindako bisita gidatuen bidez.
Pintxo banaketa, egubakoitzean
Jardunaldien aurkezpen moduan, gaur, 19:00etan, pintxo banaketa egingo dute Arrasateko Seber Altuben. Jatetxe bakoitzak pintxo bana gertatuko du.
Jardunaldietako egitaraua edo menuak ikusi gura dutenak www.turismodebagoiena.com webgunera sartu daitezke.