Beñat Herce, Eskoriatzako alkatea: "Udaletxeko ateak zabalik izango dituzue"
Mirian Biteri
2011ko eka. 13a, 22:38
Ezusteko barik egin dute gaur arratsaldean udalbatza berria osatzeko osoko bilkura. Aurreikusi bezala, Bilduko zerrendaburu Beñat Herce izendatu dute alkate. Bilduko eta Elizateetako ordezkarien aldeko botua lortu du. Eskoriatza "hobetzen" ahaleginduko dela aipatu du alkate berriak, eta herritarrei eta udal langileei "pazientzia" eskatu die, "berriak" dira-eta. Horrekin batera, Udaleko ateak zabalik egongo direla ere nabarmendu gura izan du.
Osoko bilkuren aretoa herritarrez bete da udal gobernuaren eraketa bertatik bertara jarraitzeko; ikusleen artean, irten berri den udal gobernuko kideak; tartean, orain arteko alkate Pedro Lasagabaster izan da.
Besteak beste, azken agintaldian Udal Gobernua osatu dutenen lana txalotu du, eta bereziki, Dorleta Lezetarena. Gobernu berriari bere babesa ere eskaini dio. Amaitu aurretik, zumetza eta udako lorak eman dizkio Herceri.
Elizateetako Iñaki Madinabeitia ez da osoko bilkuran izaterik izan, eta datozen egunotan hartuko du kargua. Orduan honakook osatuko dute udalbatza berria: