11:00etan hasiko dira ekimenak, ikastetxeko neska-mutikoen emanaldiarekin; plazan izango da hori. Ordubete geroago, eguerdian, jolasak izango dira toki berean.
Eguerdian herri bazkaria izango dute eskolako jolastokian. Biolurkoek bazkari ekologikoa gertatuko dute 50 lagunendako. Bazkalostean, berriz, askotariko ekimenak izango dituzte umeek. Besteak beste, apar festa, puzgarriak, jokoak eta musika izango dituzte. Eguraldi txarra eginez gero ekitaldiak pilotalekuan egingo dituztela jakinarazi dute Luis Ezeizatik. Horrekin batera, nabarmendu dute ekintza guztiak irekiak direla, eta edozeinek parte hartu ahal izango duela.
Bestalde, urteurrena dela-eta ikastetxearen ibilbidea jasotzen duen Luis Ezeiza, 40 urte erakusketa bisita daiteke bihar arte herriko kultura etxean.