Sasiak garbitzeko makinak, belarritakoak, artilezko jertseak, inguruko baserrietako tomate freskoak edo erroskila gozoak. Horiek eta beste hamaika produktu erosteko aukera izan dute.
Eguerdi partean, batzuek postuak ikusi eta artisauen lana zuzenean ezagutu duten bitartean, beste batzuk herriko dantzariek plazan eskainitako emanaldia adi jarraitu dute. San Pedro elizako atarian, bitartean, jo eta su ibili dira txistorra taloak prestatzen.
Horretaz gainera, umeek ere euren txokoa izan dute Santa Marina plazan; besteak beste, puzgarriak eta aurpegiak margotzeko tailerrak eta ilea koloreztatzeko tailerrak izan dituzte etxeko txikienek.