Patronatuak esan duenez, diru kopuru horren zatirik handiena, 60.000 euro hain zuzen ere, Eskoriatzako herriari sarri lagundu dion partikular batek eman du eta hari "bereziki eskertuko diogu egin duen ekarpena". Baina, era berean, Patronatuak dio ekarpen guztiek, "txikiek nahiz handiek, piloa sortzen lagundu digute".
Proiektuarekin bat
Patronatuak hedabideetara zabaldu duen prentsa oharrean zera dio: "gure eskaera horri erantzun diote eskoriatzar askok eta askok, bakoitzak bere neurrira egindako ekarpenekin. Eta guztiekin, ekarpen txiki nahiz handiekin, herritarren gertutasuna sumatu dugu. Gertutasun hori oso eskertzekoa da, bai ekonomikoki egoera hau lausotzen laguntzen digutelako, eta hori zen helburu nagusia, baina baita askok egoitzaren proiektuarekin bat egiten dutela adierazi digutelako ere".
Ekarpen gehiago
Azkenik, Eskoriatzako Zaharren Egoitzaren Patronatuak dio, oraindik ere egoitzaren egoera ekonomikoa orekatua izateko "asko falta" dela eta ekarpenak jasotzeko irekitako kontu korronte zenbakiak zabalik jarraitzen dutela. Euskadiko Kutxako honako honetan egin daitezke ekarpenak: 3035 0044 82 0440028200.