Ander Agiriano Kirol zinegotziak hartu zuen lehenik hitza. Muñozen "lanerako gogoa" eta baloreak nabarmendu zituen; horren harira, aurrera egiteko balore horiek kontuan izan ditzala eskatu zion Eskoriatza kirol elkarteko Jabi Corbali.
Familia eta kirol elkartearen izenean, azken horrek aipatu zuen Muñoz oso pertsona "garrantzitsua" izan dela, eta oraindik ere badela. Horretaz gainera, kiroldegia haren izena izan dezan eta eguaztenean omenaldi "xumea" antolatzeko, Udalak eta kirol federazioek egindako lana txalotu nahi izan zuen.
Jarraian, aurreskua dantzatu zuten, eta dantza amaitzean, txalo artean, kiroldegiko sarreran jarri duten plaka erakutsi zuen Muñozen seme Mikelek. Euskadi-Gipuzkoa arteko partiduarekin amaitu zen guztia.