Bota aurtengo jaietako esaldia
- Jaiak ondo pasatzera gonbidatuz…
- Jaiez gozatzeko leloak asmatuz…
- Sanpedruak, jaiak, euskara, gazteak…
Zeinek hartu dezake parte?
13 urtetik gorako edozein eskoriatzarrek, baina hiru eta bost pertsona bitarteko taldeak sortuz.
Zenbat esaldi aurkeztu?
Talde bakoitzak gutxienez esaldi bat aurkeztu beharko du eta gehienez gura beste.
Non, noiz eta zelan aurkeztu esaldiak?
Udaletxeko eta Kultur Etxeko eskapeetan jarriko diren buzoietan, kartazal batean sartuta, maiatzaren 20a eta ekainaren 5a bitartean. Kartazalean taldearen izena ipini eta barruan, beste kartazal itxi batean sartu 
Datuen Txartela.
Ez dira onartuko
Ez dira onartuko neurriz kanpoko kontsumoa edo jarrera sexistak bultzatzen dituzten esaldiak
Taldeak
Talde bakoitzak gaitzizen bat bakarrik erabili dezake eta pertsona batek talde batean bakarrik har dezake parte. Pertsona bera bi taldetan agertuz gero, talde horien esaldi guztiak lehiaketaz kanpo utziko dira.
Epaimahaia eta zabalpena
Udaleko euskara azpibatzordeak izendatuko du Esaldi Lehiaketa honetarako Epaimahaia.
Ekainaren 8an www.eskoriatza.net webgunean iragarriko da irabazlearen izena eta sanpedruetan kartel bat jarriko da plazan irabazi duen esaldiarekin. Aukeratuko diren beste esaldi batzuekin pegatinak aterako dira.
Sariak
Lehiaketa irabazten duen taldeari sanpedruetan afari bat ordainduko zaio Eskoriatzako jatetxe batean.
Pegatinak egiteko erabiliko diren esaldiak asmatu dituen talde bakoitzari 50 euroko saria emango zaio.