Adrian Belokik emozioz beteriko giroa bizi dutela Madrilen kontatu digu: "Kolore eta adin ezberdinetako jendea kalera irten da, oso aberasgarria da". Beloki astelehen eguerditik Puerta del Solen egon da giroa bertatik bertara bizitzen lagun arrasatear batekin. "Jendea oso haserre dago eta hau hasi besterik ez da egin. Kanpaldiak luze jo dezake nahiz eta hasiera batean domekara arte egoteko asmoa izan".
Belokik gaineratu digu, Twitter gakoa izan dela mobilizazio honetan. "Egiten diren deialdiak eta une oro gertatzen ari den guztia Twitter bidez hedatzen da. Atzo esaterako, poliziak sare inibitzaileen bidez Twitterrerako sarrera eragotzi zuen, lotsagarria da".
Atzoko El Mundo egunkariko portada izan zen Adrian Beloki eskoriatzarra.
