Urrutiak esan du egun bizi dugun fase berri honetan, EAJk hainbat konpromiso hartu dituela maila ezberdinetan. Hala, esan du Eskoriatzako programaren lehen puntua elkarbizitza dela, eta nazio mailan hartutako konpromisoak ere azpimarratu ditu. Horrekin batera, hartutako konpromisoak lau oinarritan hartuta daudela aipatu du: hain justu ere, bakea, aniztasuna, euskal aberria eta justizia soziala.
Bestalde, Egibarrek aipatu du, perspektiban begiratuta, azken hamarkadetan hoberako aldaketak egon direla, eta nagusiki EAJren lanaren fruitu izan dela hori. Azpimarratu du, aldi berean, Gipuzkoa eta Euskal Herri "potente, sendo eta askeago" bat lortzea dela jeltzaleen helburua, bere etorkizunaren jabe izango den Euskal Herria.