Hercek nabarmendu zuen askotariko pertsonek osatzen dutela zerrenda hori, "herria ahalik eta ondoen ordezkatzeko eta haren beharrei ahalik eta ondoen erantzuteko".
Alkategaiaren esanetan, "gure abiapuntua aurreko legealdia izango da; agintaldi korapilatsua izan bada ere, lan handia egin da eta balorazioa oso positiboa da, eta hori izango da gure proiektuaren oinarria". Horrekin batera, aipatu zuen kudeaketa gardena sustatuko dutela, "momentu oro herriak jakin dezan Udalak zer egiten duen". Udalbatza sortu bezain laster, "denon artean" plan estrategikoa egingo dutela iragarri zuen, "etorkizuneko Eskoriatza" zehazte aldera.
Horrekin batera, Bihar, eguena, Bilbon Bilduren alde antolatu duten manifestazio nazionalera joateko deia egin zuten.