Bergarako komisaldegiko ertzainek Eskoriatzako AP1 errepidearen irteeran jarritako kontrolaz gabetuta, Gasteiztik zetorren BMW 316 autoaren jabeak kontroletik ihes egitea erabaki zuen. Ertzainak despistatu asmotan gazteak autoaren argiak itzali ostean atzerantz gidatzen hasi zen, modu okerrean norabidez aldatuz.
Horretaz jabetuta, ertzainen hiru patruila joan ziren gaztearen atzetik, eta kilometro batzuk atzetik egin ostean lortu zuten gazteak autoa bidebazterrera eramatea. Gazteak, baina, ez zuen autotik irten nahi; indarrez atera behar izan zuten. Herrizaingo Sailaren arabera, orduan jabetu ziren ertzainak autoan zegoen alkohol usainaz, eta alkoholemia proban hirukoiztu egin zuen onartutako alkohol tasa. Lehenengoan 0,71 eman zuen, eta bigarrenean 0,66 (0,25 da onartuta dagoena).
Bide-segurtasuna arriskuan jartzea egotzita atxilotu zuten gaztea.