Martitzenera arte bisita daitezke Begoña Gilsanz artista bilbotarraren margolanak, Ibarraundi museoan. Astegunetan ikusi ahalko dira honako ordutegian: 09:00etatik 14:00etara eta 17:00etatik 19:00etara bitartean.
Bizkaitarrak oleo pinturak ekarri ditu. Horietan askotariko gaiak jorratu ditu, hala nola, loreak, bodegoiak, paisaiak eta baita erretratuak ere. Marrakex, Asturias, Egipto eta Bretainiara ere bidaiatuko dute bisitariek artista horren margolanei esker.
2001. urtean hasi zen Gilsanz margotzen Bizkaiko Elkarte Artistikoan. Akuarela, oleo eta akriliko teknikak jorratu ditu hainbat arlotan; tartean, abstraktua edo inpresionismoa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.