Epaimahaiak erabaki zuen talde originalenak izan zirela Euskal mitologia, Ospitalearen alde eta Suhiltzaileak. Banakako saria, berriz, Ostruka-rendako izan zen. Azkenik, 16 urtetik beherakoen artean honakoak izan ziren saridunak: Eskoriatzako Telepizza, Baserria eta 17 Dalmata. Eskoriatzan, guztira 25 taldek hartu zuten parte mozorroen desfilean.
"Aho zabalik geratu gara aurten. Ikusgarria izan da zelako lana hartu duten herritarrek. Zoramena izan da. 25 taldek hartu dute parte lehiaketan eta oso zaila izan da irabazleak aukeratzea", kontatu dute.
Esanguratsuak izan dira Aratusteak Eskoriatzan. Esanguratsuak jende aldetik. Horren adierazle da mozorroen sari-banaketan herriko plazan Eskoriatzako jaietan baino jende gehiago elkartu zela. Bestalde, 25 taldek parte hartu zuen desfilean eta 280 lagunek herri bazkarian.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak