Intentsitate handiko partidua izan zen zapatuan Eskoriatzan senior neskek jokatu zutena. Hala ere, eskoriatzarrak makal xamar hasi ziren eta lehen laurdenean zortzi puntuko aldea atera zieten irundarrek. Ondorengo laurdenetan, baina, lan handia egin zuten eskoriatzarrek: presio gogorra egin zuten, korrika asko eta defentsan indartsu aritu ziren. Horrela lortu zuten partidua parekatzea eta ondorengo laurdenetan puntu bat behetik edo puntu bat goitik ibili ziren uneoro.
Partidua amaitzeko 10 segundo gelditzen zirela, lau puntukoa zen bi taldeen arteko aldea. Eskoriatzarrek saskiratze bakarra egiteko denbora zuten eta lortu zuten, baina ez zen nahikoa izan. Saskiratzearekin batera amaitu zen-eta norgehiagoka.
Senior mailako neskek partidu ona egin zuten etxean zapatu arratsaldean, baina azken laurdeneko hutsegiteak medio galdu egin zuten bi puntuko aldeagatik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak