Eskoriatzarrek, haritzak eta lizarrak landatu dituzte. Guztira, 48 zuhaizka landatu dituzte, jaiotako ume bakoitzeko. Dorletan inguruan batzuk, eta Aingeru Goardako ermita inguruetan beste batzuk. Baita alboan dagoen biribilgunean eta belardietan ere. Hain zuzen ere, biribilgunean, bi sekuoia landatu ditu Pedro Lasagabaster Eskoriatzako alkateak: "Herritar dezentek parte-hartzen du. Gustura egiten den ekimena da".
"Urtetik urtera jende gehiagok hartzen du parte eta batzuk bigarren umearekin datozela ere ikusi daiteke. Umeek naturarekin bat egiteko aukera aparta da", azaldu digu Ibarraundi Museoko Nerea Aranak. Izan ere, guraso bat baino gehiago ikusi dugu euren umeei aitzurrean nola egiten den irakatsi nahian.