Ohiturari eutsiz, Ibarraundi museoan egin dute hitzordua; 10:30ean. Handik landatuko dituzten zuhaitzak jasotzera joango dira brigadaren biltegira. Ibarraunditik jakinarazi digutenez, hariztiak eta lizarrak dira aurten landatu dituzten zuhaitz motak.
Horiek hartu ostean, Dorleta auzorantz abiatuko dira; bidegorriaren lanak direla eta, inguru horretan hainbat zuhaitz kendu behar izan dira eta han hainbat landatuko dituzte.
Antolatzaileek gogorarazi dute eguna ez dela iaz jaiotako familiendako bakarrik, eta edonork parte hartu ahal izango duela ekitaldian, aitzurrarekin zuloa eginez eta arbolak landatuz. Guztira, 60 zuhaitz dituzte.