CCOO, Udaleko hauteskunde sindikaletan nagusi

Eskoriatzako Udalean egin berri diren hauteskunde sindikaletan CCOO izan da garaile, berak lortu du-eta udal langileei aukeratzea zegokien ordezkari bakarra. Hauteskundeetara CCOO eta LAB sindikatuak aurkeztu ziren.

Sindikatuaren hitzetan, langileek agertutako konfiantza hori "eguneroko lan etengabekoarekin eta udal langileen lan baldintzen aldekoarekin ordainduko da", gainera, sindikatuak agintzen du "lansarien murrizketen aurka, lanpostuen murrizketen aurka eta zerbitzu publikoak, bai kalitatez bai kantitatez, mantentzearen alde egingo duela".

CCOOk bere alde bozkatu duten langileek emandako babesa eskertu gura du eta "beraien lan eskakizunak kontuan izan eta defendatzeko duen borondatea" erakutsi gura du berriz ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.