Hirugarren zauritua lanetako begiralea da (34 urteko emakumea) eta zauri arinagoak izan ditu; Debagoieneko Ospitalera eraman dute.
Ertzaintzaren arabera ustekabeko leherketa izan da eta ikertzen ari dira zerk eragin duen.
Eskoriatzako alkateak ezustean hartu du albistea. Halaxe esan digu Pedro Lasagabasterrek: "azken aldian lanak oso motelduta zeuden eta langile gutxi ikusten ziren han lanean. Ezustean hartu gaitu gertatutakoak".
Lan-istripua Adifi dagokion AHTren zatian gertatu da. AHTaren Legutio-Eskoriatza II tartean -2,4 kilometrokoa-. Legutiano UTE enpresa ari da obra horietan.