goiena.eus

104 urte bete ditu Andres Agirianok

 Eskoriatza

Bolibar elizateko Karoi baserriko Andres Agirianok 104 urte bete ditu San Andres egunez. Familiakoez inguratuta ospatu du urtebetetzea, eta udaletik eta erretiratuen elkartetik ere joan zaizkio, opari eta guzti. Osasun eta umore onez jarraitzen du Andresek.

Gero eta ohikoagoa da gure artean 100 urteko muga gainditzen duten aiton-amonak aurkitzea; 104koa, baina, bakarra dago Debagoienean, Andres Agiriano. Gaur etxera bisitan etorri zaizkionekin ospatu du urtebetetzea, baina ospakizun nagusia domekan egingo dute, bazkari on batekin. Izan ere, apetitu ona du Andresek, eta ardoa ere egunero edaten du, baso erdiren bat. Goiena Telebistako Magazinean bera izango da protagonista bihar, Zaharrak Berri tartean, 19:45ean eta 21:45ean. Zorionak Andres!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa