Ardo dastatzea egingo dute plazan

Ohitura onak ez dira galdu behar eta hori dela-eta, ardo dastatzea antolatu dute aurten ere Aitzorrotz kultura elkartekoek. Zapatuan izango da Herriko plazan, 18:30ean. Eskainiko diren ardo guztiak onduak izango dira, eta pintxo beroak jateko aukera ere egongo da.

Txartelei dagokionez, bost ardo kopa edo pintxo dastatu ahal izateko txartelak banatuko dituzte, bost euroren truke. Dena dela, aurten, lehen aldiz, txartel solteak salduko direla jakinarazi digute Aitzorrotzekoek. Bakoitzak 1,5 euro balioko du.

Aurreko urteotan bezala, dastatzeak irauten duen bitartean, zuzeneko musikaz gozatu ahalko dute ardo zaleek, txistularien emanaldiarekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.