Barrearen mundua ekarriko dute Kunka antzerki taldekoek Eskoriatzara. Izan ere, "Los colores del humor" izeneko hitzaldi umoretsua eskainiko dute. Barikuan, hilak 26, Unibertsitateko aretoan 22:30ean hasita izango da ikusgai antzezlana. Sarrera dohainik da.
"Los colores del humor" ezohiko hitzaldia da, barrearen, umorearen eta
komikotasunaren mundu korapilatsuan murgiltzen da, teoria eta praktika
nahastuz. Hori lortzeko, Kunkak (Eloi Beatok eta Josean de Miguelek)
antzezlan txikien bidez alderdi jostagarrienak irudikatuko dituzte, barrearen
beraren bidez barrearen zoko-mokoak hobeto ezagutzeko. Gai serio bati
buruzko hitzaldi barregarria.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.