Sententzia ezagutzerakoan, Eskoriatzako alkate eta Patronoen Juntako lehendakari-orde den Pedro Lasagabasterrek, hasierako balorazioa egin du, adieraziz "halakoetan behintzat justizia egiten dela jakitea seinale ona" dela. Gaineratu du "pozgarria" ere badela "sententziak zalantzarako zirrikiturik ez uztea eta modu eredugarrian Patronoen Juntari, eta baita Eskoriatzako Udalari ere, arrazoia" ematea.
Zaharren Egoitzako zuzendari-administratzaile ohia izan den Aitor Urrutia Oyanguren jaunak bere kaleratzearen aurka jarritako demandari buruzko erabakia atzo eman zuen ezagutzera Eibarko Lan Arloko 1 zenbakiko Epaitegiak.
Sententzian jasotakoaren arabera, zuzendari ohiak ez zituen bete bere funtzioak eta hori arduragabekeria larritzat jotzen du, izan ere horren ondorioz Patronatuak ez ditu Foru Aldunditik behar zituen diru-laguntzak jaso.
Horrela, sententzian jasota datorrenez, utzikeria larria da eta Aitor Urrutia da horren errudun, beraz, zigorrik handiena merezi du, hau da Patronoen Juntak erabakitako lan-kaleratzea. Sententzia ezagutzerakoan, Eskoriatzako alkate eta Patronoen Juntako Lehendakari-ordea den Pedro Lasagabasterrek, hasierako balorazioa egin du. Adierazi du halakoetan behintzat justizia egiten dela jakitea seinale ona dela.
Hala ere, alkateak esan du datozen egunetan sententzia honi buruzko balorazio zehatzagoa egingo dela.