Zuhaitz Eguna domekan

Azkeneko urteetan egin izan den bezala, aurten ere Zuhaitz Eguna ospatuko da Eskoriatzan. Domeka honetan izango da, otsailaren 1ean hain zuzen ere, eta goizeko 10,30etan Ibarraundi Museoan landareak hartu ondoren Aingeru Guarda aldera joko dute nahi duten herritarrek arbolak landatzera.

Jaioberriak

Aurreko urtean jaiotako haur bakoitzeko zuhaitz bat landatzen da urtero. 2008an jaiotako haurrak 37 izan direnez, beste horrenbeste arbola sartuko dira, jaiotako haur bakoitzaren izen-abizenekin.

Guztiondako ekintza

Hala ere, interesa duen edonork parte hartu ahal izango du ekitaldian, aitzurrarekin zuloa egin eta arbolak landatuz.

Materiala udalak jarriko du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.