Lan horien helburu nagusia izan da labearen estruktura konpontzea eta berreskuratzea eta propioak ez diren elementuak berezkoekin ordezkatzea, besteak beste. Hain zuzen ere, Aranzadiko arduradunek jakinarazi digute labearen estruktura ez zegoela osorik eta pitzadurak zituela. Horrez gainera, labearen hormetan zementua ere aurkitu zuten.
Estruktura egonkortu
Lehenengo fasean, sendotze eta garbiketa lanak labe barruan egin dituzte. Horren arabera, egonkortasuna eman diote labearen estrukturari eta propioak ez ziren elementuak eta zikinkeriak atera dituzte, berezkoak direnekin ordezkatuta. Hala ere, Aranzadik nabarmendu du ez zegoela labea jausteko arriskurik. Bestalde, bigarren fasean, batez ere, labearen arkuetan eta sarreran egin dituzte lanok, konponketa txiki batzuk. Hori guztia eginda, labearen inguruan museo proiektua egingo den edo ez erabakitzea falta da orain. Labe horrek garrantzi handia dauka, adituen ustetan. XIX. mendekoa da eta XX. mende erdirate ibili zen lanean. Gipuzkoan halako hiru bakarrik daude; eta Eskoriatzakoa da hiru horietatik hobeto zainduta dagoena.