'Zaborreria: birziklatuz sortu' erakusketa ikus daiteke Ibarraundin hilaren 30era arte

Debagoieneko hainbat herritan ikusgai egon ostean, joan den astelehenean Amaia Zinkunegiren eta Ines Gerekaren Zaborreria: birziklatuz sortu erakusketa zabaldu zuten Ibarraundi museoan. Birziklatutako materialarekin egindako lanak apirilaren 30era arte bisitatu ahal izango dira.

Esan bezala, ingurunean dugun zaborra beste era batera birziklaturik lortutako sormen lanak dira erakusketa horretako protagonistak. Askotariko materialak erabili dituzte, hala nola kartoia, alanbrea, plastikoa, oihala, papera eta latak. Baina baita natura berak eskaintzen dituenak ere: sustraiak, adarrak, harriak eta hezurrak.

Erakusketak hainbat helburu ditu; tartean, birziklatzea modu praktikoan landuz, inguruneaz gehiago jabetzea; gaur egun kultura kontsumitzaileaz hausnartzea; edo botatzen ditugun objektuei erabilera berria ematea.

Erakusketa astelehenetik barikura, 09:00etatik 14:00etara eta 17:00etatik 19:00etara dago zabalik. Aste Santuko jaiegunetan, baina, itxita egongo da museoa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.