Eguaztenean, hilaren 26an, Eskoriatzako udalbatzak aho batez onartu zuen ikerketarako batzordea osatzea. Datorren astean egingo duten Hirigintza batzordean erabakiko dute noiz batzartuko diren, eta zein izango den batzorde horretako lehendakaria.
Batzordea osatuko dutenak honako hauek izango dira: Ander Agiriano (EAE-ANV), Aitor Urrutia (EAJ), Juan Luis Merino (EB-Berdeak), Iñaki Pierruges (PSE-EE) eta Leire Okarantza (Elizateak).
Eskoriatzako alkate Pedro Lasagabasterrek nabarmendu zuen ustezko irregulartasun horien erruz Udaleko hainbat langile eta zinegotzik lan handia egin behar izaten dabiltzala; are gehiago, salatu zuen arazo horrek datorren urteko aurrekontuak, eta eskuartean dituzten beste proiektu batzuk baldintzatu dituela.