Pedro Arrojo Madrilen jaio zen 1951n, baina Granadan hazi zen eta 1963an Zaragozara jo zuen Fisika ikasketak egiteko. Gerora, Zaragozako Unibertsitateko Ekonomia eta Enpresa alorretako dekano-ordea izan da eta gaur egun Ekonomia Analisi Departamenduko irakaslea da. Azken 15 urteotan uraren gaineko ikerketak egiten dihardu.
'Uraren kultura berria'
Arrojok Uraren Kultura Berria delakoaren kontzeptua lantzen buru-belarri dihardu. Kontzeptu hori Zaragozako giza mugimenduek sortu zuten, eta Arrojo da horren alde sortutako FNCA fundazioaren sortzailea. Fundazioaren helburuak dira uraren gaineko hezkuntza, garapenerako lankidetza eta ingurumenaren defentsa bermatzea.
Goldman sariduna
Pedro Arrojo da orain arte nazioarteko ingurumeneko Goldman saria jaso duen espainiar bakarra. 2003an eman zioten sari hori San Franciscoko (California) War Memorial Opera Housen.
Antolatzaileek azpimarratu zuten Arrojok ingurumenaren eta garapen jasangarriaren alde egindako lana, eta 2001eko Espainiako Plan Hidrologikoaren kontra egindako borroka.