'Ura, gizadiaren ondarea' liburua aurkeztuko dute zapatuan

Aste bukaeran, eraikuntza iraunkorraren azoka egingo dute pilotalekuan. Bigarren edizio horretan, hainbat berrikuntza daude; tartean, Ekain Martinez Lizarduikoak idatzitako 'Ura, gizadiaren ondarea' izeneko liburuaren aurkezpena. Zapatuan, 18:00eta, izango da hori.

Lan horretan egileak azaldu du ura ez dela behar bezala baloratzen eta hainbat arazoren iturburu dela; baita horiek aztertu eta irtenbideak mahai gaineratu ere. Bestalde, bertako produktuak kontsumitzea iraunkortasunarekin lotuta dagoenez, intxaur-saltsa dastatzeko aukera egongo da liburuaren aurkezpenean.

Hamar enpresa

Horretaz gain, hamar enpresak euren produktuak ezagutaraziko dituzte: Arcilandek, egurrezko etxeak; Bidatekek, urak arazteko zizare bidezko sistemak; Ecogrifok, txorrotetan ura aurrezko gailuak; Eurenerrek, eguzki plakak; Ingekak, geotermia; Kapelbik, biomasa bidezko galdarak; Primeriak, konpostajea eta birziklatze sistemak; Resolnorrek, euri urak jasotzeko biltegiak; eta Taerrek, eguzki plaka bidez dabiltzan jostailuak, bizikletak eta motor elektrikoak. Oreka Arkitektura enpresa ere han izango da.

Azoka zapatu eguerdian zabalduko dute 14:00ak arte, eta arratsaldez 17:00etatik 20:00etara bisitatu ahalko da. Domekan, berriz, 11:00etatik 14:00etara egongo da zabalik. Joan den urtean bezala, herriko emakume talde batek taloak egingo ditu han.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.