Umeen komunikazio-garapena ikertzeko MacArthur proiektuak erabiltzen dituen probak euskarara egokitzen ari da HUHEZI. MacArthur proiektua Ameriketako Estatu Batuetan sortu zen, ingelesez. Test horrek neurtu nahi du, gurasoen informazioan oinarriturik, hizkuntzaren garapen goiztiarra, aurreikusteko umeek zer atzerapen izan dezaketen hizkuntza-garapenean eta, neurri egokiak hartuta, ekiditeko atzerapenek ekar ditzaketen kalteak.
Proiektua HUHEZIn garatzen ari bada ere, beste unibertsitate batzuetako ikerlariekin batera ari da lan horretan, hala nola, EHUko ikertzaileak, Salamancako Unibertsitatekoak eta Seaskakoak.
Bi adin tarte, bi galdetegi
AEBetan orain hamabost bat urte sortu zen MacArthur tresna, eta bi galdetegik osatzen dute. Lehenengoak neurtzen du zortzi eta hamabost hilabete bitarteko haurren komunikazio-garapena, eta bigarrenak, hamasei eta hogeita hamar hilabete bitartekoena.
Galdetegiak dagoeneko sortuta daude eta argitaratzeko bidean. Oraingo ikasturtean, datuak batzen ari dira.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.