Kaleak saltokiz beteta: guztira, 80 baino gehiago; erditik gora artisauenak eta gainontzekoak barazki eta janariarenak; eta guztira, 16 herrikoak.
Otarrak, buztina eta bestelakoak lantzen dituzten artisauak ere egon ziren; eta esaterako, buztina lantzen ume mordoa ibili ziren buru-belarri goiz osoan. Bestalde, 187 umek 37 txorimalo egin zituzten lehiaketan.
Sarituak
Honakoak sarituak izan ziren: Arane Behekua baserrikoei, Eskoriatzako baserri produktu onena; ehoziriak egin zituzten emakumeei, herriko artisautza; kanpotik etorriko saltokiarena, Ivan Garciari; eta gazta onena, Aretxabaletako Gorka Leteri.
Horrez gain, otarren zozketan honako hauek izan ziren zenbaki sarituak: lehena, 2.012 eta bigarrena, 3.859 (ordezkoa 3.892).