Udal haur eskolaren kudeaketa zeharkako modalitatean eskainiko da, kontzesio administratiboaren erregimenean. Kontratuak lau urteko iraupena izango du eta lehenengo urteko aurrekontua 13.139,52 euro izango da, baina baxuagoa ere izan daiteke. Behin betiko bermea, berriz, adjudikazioaren zenbatekoaren %5 izango da.
Udalbatzak joan den uztailaren 30ean egindako osoko bilkuran erabaki zuen zerbitzu horren kudeaketa esleitzeko lehiaketa irekia arautu behar duen baldintza orria onartzea. Abuztuaren 25eko Gipuzkoako Aldizkari Ofizialean iragarki horren berri eman zen. Esandako iragarkia agertu zen hurrengo egunetik, 15 eguneko lan eguneko epean izango dute proposamenak aurkezteko aukera. Esan bezala, datorren irailaren 15era arte.