Hiriartekoa, Aldundiak
Aurtengo urtarrilean Aldundiak onartu zuen hiriarteko tramuetan egin beharreko lanen ardura hartzea. Herri barruko lanak, berriz, Udalak egin beharko ditu.
Udalerriko bidegorri sarea sei esparrutan banatu dute: Torrebasotik Olazarren lehenengo zenbakira; Olazartik Zorautzera (kanposantu ingurutik); Zorautzetik Aingeru Guarda biribilgunera; Aingeru Guardatik Kuatruena hasierara; Kuatruena hasieratik bukaerara; eta Gaztainaduitik Arlabanera.
Azkeneko tramua, Gaztainadui eta Arlaban gainaren bitartekoa, Bidegik egingo du.
Aingeru Guardakoa lehenengo
Udalak jakinarazi digu Zorautz eta Aingeru Guarda biribilgunearen arteko tramua aurten egingo dutela. Izartuk %30ean lagunduko du, eta Udalak uste du bidegorria saihesbidearen parera joango denez, Aldundiak lan hori bere kargu hartuko duela.
Gainontzeko tramuak, berriz, gerorako utzi beharko dituztela azaldu digute.