Gainerako karguak honela geratzen dira: Roberto Kortazarrek presidente orde moduan jardungo du; Emilita Gartzia idazkaria izango da; Jasone Orbegozo, diruzaina; eta Inazio Oion, Marisa Isasmendi, Maria Jesus Bitoria eta Eugenio Crespo, bokalak.
Horrekin batera, zuzendaritza batzordetik azaldu dute elkartearen bulego ordutegia lehengo bera izaten jarraitzen duela; hain justu ere, martitzenetan eta eguenetan, 11:00etatik 12:30era. Informazioa telefono bidez jasotzea nahiago dutenek, 943 71 48 97 telefono zenbakira dei dezakete esandako orduetan.
Burgira irteera
Bestalde, joan den maiatzaren 1ean, herriko erretiratuak Burgin izan ziren, almadien jaitsiera ospetsua ikusten. Jakinarazi digute 60 lagun inguruk parte hartu zutela irteera horretan, eta egun ederra pasa zutela. Almadiak ikusi eta eguerdi partean, Izabaraino joan ziren, bazkaltzera. Etxerako bidean, Leireko monasterioa bisitatu zuten.