Truke programako indigenei agurra egingo diete bihar

Garabide elkarteak antolatutako esperientzien truke programan egondako indigenei agur festa egingo diete bihar egubakoitza, Eskoriatzan. Umeendako jolasak lehendabizi, eta gero nahi adina aukera dago: musika, dantza eta ipuinak, esaterako.

Hasiera baten jaialdia herriko plazan egitea aurreikusita badago ere, eguraldi txarra eginez gero Udal Pilotalekuan izango da hori.

Ekimenak

Ekimenak 17:00etan hasiko dira, umeendako hainbat tailer eta jolasekin. Ordubete geroago ipuin kontalaria eta 18:30ean txokolate jana egingo dira. Bitartean, bertsolariak, txistulariak, opari banaketa eta Ekuadorko dantzak ere izango dira. 19:00etan, azkenik, euskalgintzaren esperientzia ezagutzen egondako indigenei agurra egingo diete.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.