Horretaz aparte, kirol instalazioen eta zerbitzuen erabilera arautzen duen ordenantza aldatzea ere erabaki zuten. Egun, urteko bi bonu mota daude: herrikoa eta mankomunatua. Azken horrek bailarako gainontzeko herrietako instalazioak erabiltzea ahalbideratzen du.
Herriko bonuak 128,9 euro balio du eta hainbat sektorek %50eko deskontua dute: familia ugariek, erretiratuta zein langabezian dauden famili unitateek eta gizarte larrialdiko edo gutxieneko diru-sarreren laguntzak jasotzen dituztenek. Orain arte, bonu mankomunatua dutenek ez dute inongo deskonturik izan, goiko sektore horretakoak izanda ere.
Hori aldatzea adostu zuten. Bonu mankomunatuari eta Plus Arrasate delakoari, Eskoriatzako bonuak duen deskontua aplikatuko zaie hemendik aurrera.