Ohikoa den moduan, bazkarian auzotar nagusienak omenduko dituzte. Aurten, Julian Uribetxebarriak eta Francisca Uribesalgok jasoko dute lore sorta.
Ekimenak 11:00etan hasiko dira. Lehenik eta behin, etxafuegoak jaurtiko dituzte; jarraian, txistulariek eta trikitilariek kaleak alaituko dituzte; kalejiraren ostean, 12:30erako, Egokiena elkartea dagoen plazatxoan biltzeko gonbita egin dute antolatzaileek, San Pedro elizaraino batera joateko. Soinuaz lagunduta egingo dute ibilbidea. Meza 13:00etan hasiko da.
Jarraian, herri bazkaria izango da. Menu ederra izango dute: atuna, piper beteak, bakailaoa eta flana izozkiarekin. Dantzaldiarekin emango diote amaiera aurtengo San Juan kaleko jaialdiari.