Opariak ez ziren falta izan: besteak beste, bonboiak, landare bat eta negurako artilezko xal ederra oparitu zizkioten martitzen goizean egoitzara joan zirenek. Senitartekoez gain (semea eta haren emaztea), Udalaren izenean Dorleta Lezeta eta Begoña Eraña zinegotziak eta Gizarte Zerbitzuko langile Agurtzane Altube izan ziren. Olazar erretiratuen elkarteko zuzendaritzako kideek eta egoitzako arduradunek eta zenbait lagunek ere Artatza zoriondu gura izan zuten egun berezi hartan.
Rosalia blanco
Bestalde, datorren astean ehun urte beteak dituen beste eskoriatzarraren urtebetetzea izango da. Rosalia Blancok 101 urte egingo ditu eguaztenean, urriak 7. Zorionak, hemendik, bioi!