Pirritx, Porrotx eta Mari Motots pailazoek aurten ere Eskoriatzan egingo dute estreinaldi ofiziala. Ikuskizun berriak "Piratak" izena dauka eta hilaren 29an, zapatua, egingo dute kiroldegian, 17:30ean.
Lan berrian Pirritx, Porrotx eta Mari Motots pirata bilakatu eta altxorraren bila joango dira. Are gehiago, euren leloa honako hau izango da: Gora euskal piratak eta gora Patakon!
Antolatzaileak Arizmendi ikastolako Jose Arana guneko eta Luis Ezeiza herri ikastetxeko gurasoen elkarteak eta Eskoriatzako Udala dira. Sarrerak, berriz, hilaren 14an jarriko dituzte eskuragai 5 eurotan honako lekuetan: Gozo-Txiki, Dorleta paperdenda eta kiroldegia.
