Osakidetzako koordinatzaile Edurne Lizarazuk onartu du pediatria arloan giza baliabideak "eskasak" direla: "Pediatra titularra bajan dago eta giza baliabideekin arazo bat dago". Aretxabaletan ere egoera antzekoa da, pediatra titularra bajan dagoela, eta, beraz, Lizarazuk esan duenez, "umeak hartzen ditugu herri batean edo bestean, beharren eta ditugun giza baliabideen arabera". Eskoriatzan 562 umek jasotzen dute esandako zerbitzua.
Egoera noiz normalduko den galdetuta, pediatra titularra lanera bueltatzean edo ordezkoa jartzean aipatu du.
Lasaitasuna helarazi gura izan du Lizarazuk horren aurrean; izan ere, "edozein urgentzia izanda, medikua badago. Orain gertatzen ari dena ez da berria. Uda garaian, agendak batzuetan moldatu behar izaten ditugu, dauzkagun behar eta baliabideen arabera, edozein enpresan bezala".